Subscribe For Free Updates!

We'll not spam mate! We promise.

Sunday, November 24, 2013

နား သန့်ရှင်းရေး လုပ်ရန် သိထား သင့်သော အချက် (၇) ချက်



(၁) နားသန့်ရှင်းရေး ဘာကြောင့်လုပ်ရသလဲ။

နားမသန့်ရှင်း သူသည် မိမိ ကိုယ်ကိုယ် ညစ်ပတ်သူ အဖြစ် ပေါ်လွင် ထင်ရှား စေသည်။ တစ်ကိုယ် ရေ သန့်ရှင်းရေး ဂရု မစိုက်သူ ဖြစ်သည်။

(၂) နားသန့်ရှင်းရေး လုပ်ရန် ဘယ်သူတွေ လိုအပ်သလဲ။

နား၏ အပြင်ပိုင်း ကို သန့်ရှင်းရေး လုပ်မည် ဆိုပါက ကျွမ်းကျင် ပညာရှင် များ မလိုအပ်ဘဲ မိသားစု ဝင် အချင်း ချင်း ကူညီ ပေးစွမ်း နိုင်သည်။ သို့သော် နား၏ အတွင်းပိုင်း ကို သန့်ရှင်းရေး လုပ်မည် ဆိုပါက အန္တရာယ် ရှိသည့် အတွက် ကျွမ်းကျင် သူများ နှင့် ပြသ လုပ်ဆောင် သင့်သည်။

(၃) နားသန့်ရှင်းရေးကို ဘယ်အချိန် လုပ်သင့်သလဲ။

နား၏ အရေပြား လေးများ သည် ရေချိုးပြီး ချိန်တွင် နူးညံ့ နေချိန် ဖြစ်သော ကြောင့် သန့်ရှင်းရေး လုပ်ရန် ကောင်းသော အချိန် ဖြစ်သည်။ သို့သော် ရေချိုးချိန် မဟုတ်သော် လည်း ရေနွေး ဖြင့် နား သန့်ရှင်းရေး လုပ်ဆောင် နိုင်သကဲ့ သို့ ရေကူး ပြီး ချိန် များတွင် လည်း ပြုလုပ် နိုင်သည်။ အနည်းဆုံး တစ်နေ့ တစ်ကြိမ် သန့်ရှင်း သင့်ပေသည်။

(၄) နား၏ အရေးကြီးဆုံး အန္တရာယ်က ဘာလဲ။

နား၏ အပြင်ပိုင်း ကို သန့်ရှင်းရေး လုပ်နေ ရင်း သတိ မထားမိ ဘဲ နားအတွင်းပိုင်း ကို ထိခိုက် မိပါက နားမကြား တော့ သည် အထိ ဖြစ်နိုင် သည်။

(၅) နားသန့်ရှင်းရေး လုပ်ဆောင်ရာ တွင် မည်သို့ အသုံးပြု လုပ်ဆောင် ရမလဲ။

နား သန့်ရှင်းရေး လုပ်ဆောင်ရာ တွင် ဝါဂွမ်း အဖုလုံး များ ပါသော နားကျပ်တံ ဖြင့် ပြုလုပ် သင့်သည်။ နား အတွင်း ရှိ အလွှာ လေးများ မထိခိုက် မိစေရန် သတိထား ရမည်။

မှတ်ချက်။ ။ မာကျောသော အရာ သော့၊ နားဖာချေး ကလော်တံ များဖြင့် သန့်ရှင်း ရေး မလုပ်သင့်။

(၆) နားထဲရေဝင်ရင် ဘယ်လို လုပ်ရမလဲ။

နားထဲ ရေဝင်ပါ က ရေထဲက ဗက်တီးရီးယား ပိုးများ ပါလာ နိုင်သောကြောင့် နားဒုက္ခ ပေးနိုင် သည်။ နားထဲ ရေဝင် က ခေါင်း အနည်းငယ် စောင်း ၍ ရေထုတ် ပစ်ရမည်။

(၇) နားကို အလွန် အကျွံ သန့်ရှင်းရေး လုပ်ပါက ဘာတွေ ဖြစ်နိုင်သလဲ။

နား သန့်ရှင်းရေးကို လိုအပ်သည် ထက် ပို၍ လုပ်ဆောင် ခဲ့ပါက နား ကျန်းမာရေး နှင့် ပတ်သက် သည့် နားပြည်ယို ခြင်း၊အကြား အာရုံ ချို့တဲ့ ခြင်းနှင့် နား အတွင်း အရေပြား ပျက်စီးခြင်း များ ဖြစ်ပွား နိုင်သော ကြောင့် နား သန့်ရှင်းရေး လုပ်ဆောင် မည် ဆိုပါက အထက်ပါ အချက် (၇) ချက် ကို သိထားသင့် ကြောင်း ရေးသား ဖော်ပြ လိုက် ရပါသည်။

မိခင် အတော်များများ က မိမိတို့၏ သားသမီးများ ကို မကြာခဏ နား သန့်ရှင်းရေး လုပ်ဆောင် ပေးသည် ကို မြင်ဖူး၊ ကြုံဖူး ကြပေ မည်။ ထိုနား သန့်ရှင်းရေး ကို ဘာကြောင့် လုပ်ဆောင် ရသည်၊ နား ကို မည်သို့ သန့်ရှင်း အောင် လုပ်ရမည် ကို သိထား သင့်သည်။

Socializer Widget By Blogger Yard
SOCIALIZE IT →
FOLLOW US →
SHARE IT →

0 comments:

Post a Comment