နှစ်လောင်းပြိုင်လူသတ်မှုရဲ့တရာခံကို ပြစ်ဒဏ်ချမှတ်ဖို့ တရားသူကြီးက အမိန့်စာကို ဖတ်ကြားနေပါတယ်… …
“မောင်မင်းဟာ…ဇနီးဖြစ်သူကို မသေမချင်း တူနဲ့ထုသတ်ခဲ့တဲ့ ပြစ်မှုက တစ်ခု…”
ထိုစဉ်အသံတသံထွက်လာ၏။
“ခွေးသူတောင်းစား”
တရားခွင်ရဲ့ နောက်ပိုင်းနားမှာထိုင်နေတဲ့ ကိုထုံက တရားခံကို ထ ဆဲလိုက်ခြင်းဖြစ်၏။
တရားသူကြီးက ကိုထုံ့ကို လှမ်းကြည့်သည်။
ဒါပေမယ့် ဘာမှမပြောဘဲ အမိန့်စာကို ဆက်ဖတ်လိုက်တယ်… …
“မောင်မင်းရဲ့ ယောက်ခမဖြစ်သူကို မသေမချင်း တူနဲ့ထုသတ်ခဲ့တဲ့ ပြစ်မှုကတစ်ခု…”
“မအေပေး အမျိုးယုတ်” .. ကိုထုံ က ထ ဆဲပြန်တယ်။
ဒီတခါမှာတော့ တရားသူကြီးက လှမ်းပြောတယ်… ..
“လူကြီးမင်း၊ ဒါတရားရုံးဖြစ်ပါတယ်၊ ဒီလို ရက်စက်စွာ အသတ်ခံရတဲ့ လူတွေအတွက်
ခင်ဗျား ဘယ်လောက်ခံစားရမယ်ဆိုတာ ကိုယ်ချင်းစာပါတယ်၊
ဒါပေမယ့် နောက်ထပ် တရားရုံးကို နှောင့်ယှက်မယ်ဆိုရင်တော့ ခင်ဗျားကို အရေးယူရပါလိမ့်မယ်”
“ဟုတ်ကဲ့…နောက်မဆဲတော့ပါဘူး” ဟု ကိုထုံက ဖြေ၏။
တရားသူကြီးက အမိန့်စာ ဆက်ဖတ်မလို လုပ်ပြီးမှ စိတ်ထဲမှာမရှင်းတာနဲ့ ကိုထုံကို လှမ်းမေးပါတယ်… …
တရားသူကြီး။ ။ “ဒါနဲ့ နေပါအုံး၊ ခင်ဗျားနဲ့ သေဆုံးသူတွေဟာ ဘယ်လိုများ ပတ်သက်ပါသလဲ”
ကိုထုံ။ ။“ဘယ်လိုမှ မပတ်သက်ပါဘူး”
တရားသူကြီး။ ။ “ဟင်… ဒါဆို ဘာလို့ ဒီလောက်တောင် ဒေါသတွေ ထွက်နေရတာလဲ”
ကိုထုံ။ ။ “ထွက်တာပေ့ါဗျ၊ ဒီကောင်နဲ့ကျနော် အိမ်ချင်းကပ်လျက်နေလာတာ ၁၀ နှစ် ကျော်ပြီ၊
သူ့ဆီမှာ တူ သွားငှားတိုင်း မရှိဘူးချည်း ပြောပြောလွတ်နေတာ....လေ..”..........တဲ့
တိန်
0 comments:
Post a Comment